එළඹෙන වසරේදී ජනාධිපතිවරණයක් බලාපොරොත්තු විය හැකි බව එක්සත් ජාතික පක්ෂයේ හිටපු ජාතික සංවිධායක සහ හිටපු අමාත්ය නවීන් දිසානායක මහතා සඳහන් කරයි.
දිගින් දිගටම මැතිවරණයක් අවශ් යයයි විපක්ෂය ඉල්ලා සිටින බැවින් ජනාධිපතිවරණය, මහ මැතිවරණය සහ පළාත් පාලන මැතිවරණය එකම දිනක දී පැවැත්විය හැකි දැයි තමන් ජනාධිපතිවරයාගෙන් ඉල්ලීමක් කළ බවද ඒ මහතා පැවසීය.
එළඹෙන මාර්තු මාසයෙන් පසුව අගෝස්තු මාසය වන විට ජනාධිපතිවරණය කැඳවිය හැකි බවත් ඒ අනුව විධායකයට පත්කළ යුත්තේ කවුරුන්දැයි ජනතාවට තීරණයක් ගැනීමට අවස්ථාව ලැබෙනු ඇති බවත් හෙතෙම සදහන් කලේය.
ඒ මහතා මේ බව කියා සිටියේ සිරිකොත එක්සත් ජාතික පක්ෂ මූලස්ථානයේ තිබූ ප්රවෘත්ති සාකච්ඡාවක් අමතමිනි.
මේ අතර ජනාධිපති රනිල් වික්රමසිංහ මහතා ද ශ්රී ලංකා පොදුජන පෙරමුණේ මන්ත්රීවරුන්ට දන්වා ඇත්තේ ගමට ගොස් මැතිවරණයක් සඳහා වූ යාන්ත්රණය ශක්තිමත් කරන ලෙසයි.
ශ්රී ලංකා පොදුජන පෙරමුණේ පාර්ලිමේන්තු මන්ත්රීවරුන් කණ්ඩායමක් සහ ජනාධිපතිවරයා අතර පැවති හමුවකදී ජනාධිපතිවරයා මේ අදහස් පළ කර තිබේ.
