ජාතික ජන බලවේගය නායක අනුර දිසානායක මහතා ඉදිරි ජනාධිපතිවරණයෙන් ජයග්රහණයක කරනු ඇති බවට ඉන්දීය බුද්ධි අංශ විසින් කරන ලද වාර්තාවක් යයි කියන සටහන් සමාජ ජාල වල පළවීම සම්බන්ධයෙන් කොළඹ පිහිටි ඉන්දීය මහ කොමසාරිස් කාර්යාලය ප්රතිචාර දක්වයි.
එම කාර්යාලයේ ප්රකාශකයෙකු මෙම වාර්තාව ප්රතික්ෂේප කරමින් කියා සිටියේ ඉන්දීය මහ කොමසාරිස් කාර්යාලය හා සම්බන්ධ කරන කරන ලද මෙම වාර්තාව තමන්ද නිරීක්ෂණය කර ඇති බවයි.
නමුත් එම වාර්තාව පදනම් අසත්ය හා පදනම් විරහිත බවද ඔහු කියා සිටියේය.
මෙරට ජනාධිපතිවරණය සම්බන්ධයෙන් කොළඹ පිහිටි ඉන්දීය මහ කොමසාරිස් කාර්යාලය හරහා ඉන්දියාව මැදිහත්ව කරන ලද සමීක්ෂණයක් අනුව අනුර දිසානායක මහතා පහසුවෙන්ම ජය ගන්නා බවටත් සමගි ජන බලවේගය ජනප්රියත්වය පහළ වැටෙමින් ඇති බවටත් සමාජ ජාලවල හුවමාරු වූ එම සටහනේ දැක්වින.
