වර්තමාන ආණ්ඩුක්රම ව්‍යවස්ථාව හැකි ඉක්මනින් අහෝසි කළ යුතු බව අගරදගුරු මැල්කම් රංජිත් කාදිනල් තුමන් කියා සිටිති.
හැකි ඉක්මනින් නව ආණ්ඩුක්රම ව්‍යවස්ථාවක් ගෙන ආ යුතු බවද අගරදගුරුතුමන් කියා සිටියේ හැත්තෑ හත් වන නිදහස් දිනය සැමරීම සඳහා පැවති විශේෂ දේව මෙහෙය අමතමිනි.
ශ්‍රී ලංකාවේ ජනතාවට සැබෑ නිදහස ගෙන දෙන දැවැන්ත දේශපාලන, ආර්ථික සහ නීතිමය ප්‍රතිසංස්කරණ ගෙන ආ යුතු බවත් නව ආණ්ඩුක්රම ව්‍යවස්ථාවක්, මාර්ගගත ආරක්ෂණ පනත් කෙටුම්පත අහෝසි කිරීම සහ රාජ්‍ය නායකයා බලය සහ වරප්‍රසාද භුක්ති විඳීමට වඩා ජනතාවට සේවය කිරීමට මඟ පෙන්වන නව නීති සම්පාදනය අවශ්‍ය බවත් එතුමන් පැවසූහ.
‘වත්මන් ආණ්ඩුක්රම ව්‍යවස්ථාව හැකි ඉක්මනින් අහෝසි කළ යුතුයි. රාජ්‍ය නායකයා බලය සහ වරප්‍රසාද භුක්ති නොවිඳ ජාතියට සේවය කිරීමට නීත්‍යානුකූලව බැඳී සිටින නව නීති සම්පාදනයක් හඳුන්වා දිය යුතුය’
