31.1 C
Colombo
June 9, 2025
Local News News

මාර්ග වැරදි දඩ අද සිට එවෙලේම GovPay මගින් ගෙවන්න..

CLEAN SRI LANKA ව්‍යාපෘතිය යටතේ ශ්‍රී ලංකා පොලිසිය ඩිජිටල්කරණය කිරීමේ ව්‍යාපෘතියක් ලෙස GovPay යෙදවුම හරහා මාර්ගගත ක්‍රමය ඔස්සේ (Online) රථවාහන වැරදි වලට අදාලව ක්ෂණික දඩ මුදල් ගෙවීමේ ක්‍රමවේදයක් හඳුන්වා දී ඇත.

දැනට ක්‍රියාත්මක ක්‍රමවේදය වන්නේ, රියදුරන් විසින් සිදුකරනු ලබන රථවාහන වැරදි සඳහා පොලිස් නිලධාරින් විසින් නිකුත් කරන ලද දඩ පත්‍රිකා තැපැල් කාර්යාල වෙතරැගෙන ගොස් ගෙවිම් සිදුකර එම කුවිත්නාසි පත නැවත පොලිස් ස්ථාන වෙත ඉදිරිපත් කිරීමෙන් පසු රියදුරු බලපත්‍රය ආපසු ලබා ගැනීමයි.

නමුත් GovPay යෙදවුම හරහා මාර්ගගත ක්‍රමය ඔස්සේ දඩ මුදල ගෙවීම සිදුකර එය කෙටි පණිවිඩයක් ඔස්සේ රථවාහන නිලධාරින් වෙත තහවුරු කිරිමෙන් අනතුරුව එම අවස්ථාවේදීම රියදුරු බලපත්‍රය මුදා හැරීම සිදුවන බැවින් මහජනතාවට අපහසුවකින් තොරව කාර්යක්ෂම සේවාවක් ලබාදීමේ අවස්ථාව සැලසේ.

ඒ අනුව මෙම නියමු ව්‍යාපෘතිය 2025.04.11 වන දින සිට 2025.04.30 වන දින දක්වා කුරුණෑගල, දොරටියාව, මැල්සිරිපුර, ගොකරැල්ල, ගලේවෙල, දඹුල්ල, මඩාටුගම, මරදන්කඩවල, කැකිරාව, තිරප්පනේ, කවරක්කුලම හා අනුරාධපුර යන ප්‍රදේශවල මාර්ග ආවරණය වන පරිදි ක්‍රියාත්මක වේ.

ඒ තුලින් මෙම නියමු ව්‍යාපෘතිය තුලදී සිදුවන අපහසුතා හා අඩුපාඩු හඳුනාගෙන ඒවා සකස් කර ගැනීමෙන් පසු දිවයින පුරා මෙම ව්‍යාපෘතිය ක්‍රියාත්මක කිරීමට ශ්‍රී ලංකා පොලිසිය අපේක්ෂා කරනු ලබයි.

Related posts

ඇල්ල වන රක්ෂිතයේ මහා ගින්නක්.. වේගයෙන් පැතිරේ.. නිවන්න අසීරුයි..

Shiran Viraj

දේශබන්දුට එරෙහිව මුජිබර් ශ්‍රේෂ්ඨාධිකරණයේ.. පොලිස්පතිකමට අතුරු තහනමක් ඉල්ලයි…

Shiran Viraj

‘කොරෝනා පිස්සුව නවතා රට අරින්න’ භික්‍ෂූවක් පාර මැද වාඩි වී විරෝධතා… දැඩිව බැණ වදිති…

Shiran Viraj