ලක්ෂ 15ක් විපතට පත් මහා ඛේදවාචකය හමුවේ රජයේ අකාර්යක්ෂමතාවය ප්රශ්න කරමින්, සමගි ජනබලවේගයේ නායක සජිත් ප්රේමදාස මහතා පාර්ලිමේන්තුවේදී රජයට දැඩි අභියෝගයක් එල්ල කළේය.
ඉවතලන ලෙස ඉල්ලන යෝජනා:
- IMF කොන්දේසි: මිනිස් ජීවිත අහිමි වූ මොහොතක “දරදඬු, ජනතා හිංසන” IMF කොන්දේසි සමඟ ඉදිරියට යෑමේ හැකියාවක් නොමැති බව ඔහු අවධාරණය කළේය. රජයට සාකච්ඡා කළ නොහැකි නම්, කොන්දේසි ඉවත් කරගැනීමට විපක්ෂය සහයෝගය දීමට සූදානම් බව ඔහු දන්වා සිටියේය.
- නව අයවැයක්: සිකුරාදා සම්මත කිරීමට නියමිත අයවැය කල් දමා, විපතට පත් ජනතාවගේ සහන සහ යටිතල පහසුකම් ගොඩනැගීම සඳහා කෙටි කාලීන, නව අයවැයක් ලබන සතියේදී හෝ ගෙන එන ලෙස ඔහු ඉල්ලා සිටියේය.
ජාත්යන්තර සමුළුවට සූදානම්:
- වහාම ජාත්යන්තර ආධාරක සමුළුවක් කැඳවිය යුතු බවත්, රජයට එය කළ නොහැකි නම් නිසි බලතල සහිතව එය භාර ගැනීමට විපක්ෂය සූදානම් බවටත් විපක්ෂ නායකවරයා රජයට දන්වා සිටියේය.
අවශ්ය සියලු අරමුදල් රට ගොඩනැගීමට යොමු කරන ලෙසද හෙතෙම රජයෙන් ඉල්ලා සිටියේය.
