දිස්ත්‍රික්ක කිහිපයක වාර්තා වී ඇති තරමක් සෞඛ්‍ය සම්පන්න නොවන වායු ගුණාත්මක මට්ටම් හේතුවෙන් හුස්ම ගැනීමේ අපහසුතා ඇති වුවහොත් හැකි සෑම විටම මුහුණු ආවරණ පැළඳීමට සහ වෛද්‍ය ප්‍රතිකාර ලබා ගන්නැයි රජය ජනතාවට දන්වයි.
වාතයේ ගුණාත්මකභාවය පහත වැටීමට හේතුව උතුරේ සිට එන දූෂිත සුළං ප්‍රවාහයන් වන අතර ඉදිරි දිනවලදී රට පුරා වායු ගුණාත්මක මට්ටම් තරමක් සෞඛ්‍ය සම්පන්න නොවන සහ සෞඛ්‍ය සම්පන්න නොවනු ඇති බවත් මෝටර් රථ ප්‍රවාහන දෙපාර්තමේන්තුවේ වාහන විමෝචන පරීක්ෂණ ඒකකය පවසයි.
මේ වන විට කුරුණෑගල, මහනුවර, ගාල්ල, රත්නපුර, ඇඹිලිපිටිය, ත්‍රිකුණාමලය සහ හම්බන්තොට ඇතුළු දිස්ත්‍රික්ක හතක වායු ගුණාත්මකභාවය තරමක් සෞඛ්‍ය සම්පන්න නොවන මට්ටමක පවතී.
වවුනියාව, නුවරඑළිය, පුත්තලම, මුලතිව්, පොළොන්නරුව සහ අනුරාධපුරය යන ප්‍රදේශවල මධ්‍යස්ථ මට්ටම් වාර්තා වී තිබේ.
