අද සිට ත්‍රි රෝද රථවල යන අයට විශේෂ අවස්ථාවක්

ටිකට් දෙන ත්‍රීවිල් මීටර් අද සිට අනිවාර්යයි

මගීන්ට බිල්පතක් නිකුත් කළ හැකි මීටර් ත්‍රීරෝද රථ සඳහා සවිකිරීම අද (20) සිට අනිවාර්ය වනවා. 

ඒ අනුව දිවයිනේ සියලූම ත්‍රීරෝද රථ ගමනාන්තයේදී මගීන්ට බිල්පතක් ලබාදිය යුතුයි. 

එසේ බිල්පත් නිකුත් නොකෙරෙන ත්‍රීරෝද රථ සම්බන්ධයෙන් අදාළ අංශ වෙත පැමිණිලි කිරීමේ අවස්ථාව මගීන්ට පවතිනවා. 

ත්‍රීරෝද රථවලට මෙම මීටරය සවිකිරීම සඳහා මාස 06 ක සහන කාලයක් ලබාදී තිබූ අතර, එය අදින් අවසන් වන බවයි මාර්ග ආරක්ෂාව පිළිබඳ ජාතික සභාවේ සභාපති, වෛද්‍ය සිසිර කෝදාගොඩ කියා සිටියේ.

කෙසේ වෙතත්, මෙම නීතිය සම්බන්ධයෙන් ත්‍රීරෝද රථ සංගම් සහ රියදුරන් විරෝධය පළ කරනවා. සමස්ත ලංකා ත්‍රීරෝද රථ ව්‍යවසායකයින්ගේ එකමුතුවේ සභාපති එම්.ජේ.දිසානායක සහ වෘත්තීය ත්‍රීරෝද රථ සංගමයේ සභාපති සුනිල් ජයවර්ධන කියා සිටියේ කුමන නීති පැනවූවද එය ක්‍රියාවට නැංවීමට නොහැකි බවයි.< 
(under the courtesy of hirunews.lk news web)