වත්තල හුණුපිටිය ජයන්ති මල් හන්දිය ප්‍රදේශයේ කඩපෙළක අද(03) අලුයම ගින්නක් හටගෙන තිබේ.
ගින්නෙන් එහි වෙඳසැල් 10ක් පමණ සම්පූර්ණයෙන් විනාශයට පත් වී ඇත.
අද අලුයම 3ට පමණ වත්තල හුණුපිටිය ජයන්ති මල් හන්දිය ප්‍රදේශයේ එළවලු ,පළතුරු හා සිල්ලර වෙළඳසැල් සහිත කඩ පෙළක මෙම ගින්න හටගෙන තිබුණි.
කිසියම් පිරිසක් විසින් මෙම වෙළඳසැල්වලට ගිනි තබා ඇති බවට වෙළඳසැල් හිමියන් චෝදනා කරයි.
ගිය මාසයේ අන්තිමට කඩනවා යැයි පවසා තිබිය දී මෙම සිදුවීම හිතාමතා සිදු කර ඇති ප්‍රදේශවාසීන් පවසයි.
අනිවාර්යයෙන්ම කඩා කප්පල්කාරී ලෙස මෙම ක්‍රියාව යම් කිසි පිරිසක් විසින් සිදු කර ඇති බවට චෝදනා කරන ජනතාව කියා සිටින්නේ, කඩ අයින් කරනවා නම් සාධාරණ විසඳුමක් ලබා දෙන ලෙස ඔවුන් ඉල්ලා සිටියි.
කෙසේවෙතත් කිරිබත්ගොඩ පොලීසිය විසින් ගින්නට හේතුව සෙවීම සඳහා විශේෂ පොලිස් කණ්ඩායමක් යොදවා ඇති බව අද දෙරණ වාර්තාකරු සඳහන් කළේය.
(under the courtesy of adaderana.lk news web)
