28.9 C
Colombo
June 9, 2025
Local News News

වනජීවී නිලධාරීන් පිරිසක් වනාන්තරයක අතරමං වේ…

නුවරඑලිය මහඑළිය රක්ෂිතයේ වැටලිමකට ගිය වන අඩවි ආරක්ෂක නිලධාරින් පිරිසක් රක්ෂිතය තුල (16) දින අතරමං වි ඇති බවත්, අතරමං වු වන අඩවි ආරක්ෂක නිලධාරින් නිරුපද්‍රිතව සොයා ගැනිමට හැකි වු බව හැටන් වන අඩවි ආරක්ෂක නිලධාරි සුජිත් අජන්ත මහතා පැවසිය.

එම රක්ෂිතය තුල කාලයක් තිස්සේ සිදු කරනවා යැයි පැවසෙන අනවසර මැණික් ගැරිමක් වැටලිමට නුවරඑලිය වන අඩවි කාර්යාලයේ නිලධාරින් 15 දෙනෙකු සහ හැටන් වන අඩවි කාර්යාලයේ නිලධාරින් 06 දෙනෙකු ඇතුළු 21 දෙනෙකු (16) දින මෙහෙයුම සදහා මාර්ග දෙකක් ඔස්සේ රක්ෂිතය තුලට ඇතුල්වි ඇත.

හැටන් වන අඩවි කාර්යාලයේ නිලධාරින් බගවන්තලාව ලොයිනොන් නොර්ත්කෝ වත්ත ප්‍රදේශයෙන් (16) දින රක්ෂිතය තුලට ඇතුල් වි ඇති අතර , අනෙකුත් නිලධාරින් පිරිස බලංගොඩ බෙලිහුල්ඔය පහන්තුඩාව ප්‍රදේශයෙන් රක්ෂිතය තුලට ඇතුල් වි ඇත.

බලංගොඩ ප්‍රදේශයෙන් රක්ෂිතයට ඇතුල් වු පිරිස (16) දින පස්වරුවේ රක්ෂිත තුලට ඇද හැලුණු අධික වර්ෂාව සහ ඝන මිදුම් තත්ත්වය හේතුවෙන් දුරකථන සංඥා අවහිර විමෙන් එම නිලධාරින් පිරිස රක්ෂිතය තුල (16) දින රාත්‍රිය ගත කර එම නිලධාරින් පිරිස (17) දින බගවන්තලාව ලොයිනොන් නොර්ත්කෝ ප්‍රදේශයෙන් පිටතට පැමිණි බව හැටන් වන අඩි ආරක්ෂක සුජිත් අජන්ත මහතා වැඩිදුරටත් පැවසිය.

මෙම වැටලිමේදි කිසිදු සැකකරුවෙකු අත්අඩංගුවට ගැනිමට නොහැකි වු බවත්, අතරමං වු නිලධාරින් පිරිස සොයා ගැනිම සදහා යුධ හමුදාවෙන් උපදෙස් ලැබුණු බව හැටන් වන අඩවි ආරක්ෂක නිලධාරිවරයා පැවසිය.

– හැටන් රංජිත් රාජපක්ෂ

Related posts

දුමින්ද රෝහල්ගත කල අසනීපය මෙන්න.. දැනට ලංකාවේ බෙහෙත් නෑ..

Shiran Viraj

ඇදිරි නීතිය මැද කොළඹ පාරවල් අත්‍යවශ්‍ය සේවා වාහනවලින් පිරේ…

Shiran Viraj

උසස් පෙළට ආපදා හේතුවෙන් ඇතිවිය හැකි බාධා වළක්වන්න වැඩපිළි‍වෙළක්…

Shiran Viraj