ජනලේඛන සහ සංඛ්යාලේඛන දෙපාර්තමේන්තුව විසින් නිකුත් කරන ලද නවතම දත්තවලට අනුව, 2026 ජූනි මාසය සඳහා කොළඹ නාගරික ප්රජාවගේ සමස්ත පාරිභෝගික උද්ධමන අනුපාතය 6.8% ක් දක්වා ඉහළ ගොස් තිබේ. පසුගිය මැයි මාසයේදී මෙම අනුපාතය සටහන්ව තිබුණේ 5.5% ක් ලෙසය.
කොළඹ පාරිභෝගික මිල දර්ශකය පදනම් කරගනිමින් නිකුත් කළ මෙම වාර්තාවට අනුව, ආහාර කාණ්ඩයේ වාර්ෂික උද්ධමනය මැයි මාසයේ පැවති 0.9% සීමාවේ සිට ජූනි මාසය වන විට 3.6% ක් දක්වා සැලකිය යුතු මට්ටමකින් වැඩි වී ඇත.
මීට අමතරව, ආහාර නොවන කාණ්ඩයේ වාර්ෂික ලක්ෂ්යමය උද්ධමන අනුපාතය ද ඉහළ යෑමක් පෙන්වන අතර, මැයි මාසයේ වාර්තා වූ 7.8% ක අගය ජූනි මාසය අවසන් වන විට 8.4% ක් දක්වා වර්ධනය වී ඇති බව ජනලේඛන සහ සංඛ්යාලේඛන දෙපාර්තමේන්තුව වැඩිදුරටත් පෙන්වා දෙයි.
