මරණ දඬුවම නියමවී වැලිකඩ බන්ධනාගාරය තුල රඳවා සිටින මහා පරිමාණ හෙරොයින් ජාවාරම් කරුවෙකු වන “සුසෙයි” නමැත්තගෙන‍ෙ බන්ධනාගාර නිලධාරීන් පිරිසකගේ පාවිච්චිය සඳහා විශාල ප්‍රමාණයේ නවීන රූපවාහිනී යන්ත්‍ර හතරක්‌ ලබාදී ඇති බවට මත්ද්‍රව්‍ය නාශක අංශ බුද්ධි නිලධාරීන්ට තොරතුරු ලැබී ඇති බව වාර්තා වනවා.
කෙසේ වෙතත් රුපියල් කෝටි 120 කට අධික වටිනාකමෙන් යුත් හෙරොයින් තොගයක්‌ සමග සුසෙයි නමැත්තාගේ ප්‍රධාන ගෝලයකු පොලිස්‌ මත්ද්‍රව්‍ය නාශක අංශ නිලධාරීන් විසින් අත්අඩංගුවට ගැනීමෙන් පසු ඔහු ලබා දී තිබූ නවීන රූපවාහිනී හතර අතුරුදහන් වී ඇති බවයි සඳහන් වන්නේ.
මේ අතර බන්ධනාගාරයේ නිලධාරීන් පිරිසක්‌ සුසෙයි සමග සමීප සබඳතා පවත්වමින් රුපියල් ලක්‍ෂ ගණනින් මුදල් සහ විවිධ වරප්‍රසාද ලබාගෙන ඇති බවද විමර්ශනවලදී හෙළිවී ඇති අතර සුසෙයිගේ ජංගම දුරකථනවල තිබී බන්ධනාගාර නිලධාරීන් අට දෙනකුගේ දුරකථන අංක පොලිස්‌ මත්ද්‍රව්‍ය නාශක අංශය මගින් පසුගියදා සොයාගෙන තිබිණා.
(under the courtesy of nethgossip.lk news web)
