ජනාධිපති අනුර කුමාර දිසානායක මහතාට අවුරුදු පහක් තබා මාස පහක්වත් මේ රට ගෙනයා හැකි යයි තමන් විශ්වාස නොකරන බව හිටපු පාර්ලිමේන්තු මන්ත්‍රී රාජිත සේනාරත්න මහතා සඳහන් කරයි.
එළඹෙන මාර්තු මාසය පමණ වන විට මේ රට ගිනි ගොඩක් බවට පත්වනු ඇති බවද හෙතෙම කියා සිටී.
වර්තමාන ආණ්ඩුව ගත වූ කාලය තුළදී පමණක් රුපියල් ට‍්‍රිලියනය ඉක්මවා දේශීය ණය ලබාගෙන ඇති බවද පැවසූ ඔහු එය එතෙක් මෙතෙක් ඉතිහාසයේ ආණ්ඩුවක් මෙතරම් කාලයකදී ලබාගත් වැඩිම ණය මුදල බවද පැවසුවේය.
එම ණයවලින් භාණ්ඩ මිල පාලනය කරගෙන ඇතත් නියම ඡන්ද ප්‍රතිඵල එන්නේ මෙම මහ මැතිවරණයෙන් පසු ටික දිනකින් බවත් හෙතෙම තවදුරටත් කියා සිටියේය.
කළුතර ප්‍රදේශයේ පැවැති ජන හමුවකදී ඒ මහතා මෙම අදහස් පළ කරන ලදී.
